Íþróttafræðingurinn Íris Mist Magnúsdóttir er landsliðsþjálfari í hópfimleikum. Hún var í liði Gerplu sem varð Evrópumeistari í hópfimleikum í Malmö í Svíþjóð árið 2010.
allir vildu setja sér markmið en fáir kunnu það
Íris Mist hélt erindi á ráðstefnunni Sýnum karakter. Íris sagði íþróttafélagið Gerplu hafa verið orðið líkast fyrirtæki með mikinn fjölda iðkenda, erfitt hafi verið að sinna öllum og einstaklingarnir því ekki eins áberandi innan þess. Til að breyta þessu hafi þjálfarateyminu verið þjappað betur saman, þeir fundað einu sinni í viku og hver þjálfari settur í að halda markmiðafund með sínum hópi. Þegar fundað var um málið kom í ljós að þótt allir vildu setja sér markmið þá kunnu það færri.
Hér má sjá erindi Írisar á ráðstefnunni.
